Ataatsimeersuartarfik qaamasoq isikkivigissorlu
Taseralimmi init ataatsimeersuartarfiit marluupput inerujussuanngorlugu ammarneqarsinnaasut.
Ataatsimeersuartarfik isikkivigissorsuuvoq tatsip Nalunnguarfiup killinganiilluni. Ukiumi qimussit, qamuteralaat, meeqqat inersimasullu sisoqqattut saneqquasarput. Aamma ujakkaarfiit Taseraliup silatinnguatigoorput!
Aasami taseq kaajallallugu pisuttuartarfeqarpoq Asanninnerup Aqqutaanik taaneqartartumik. Pisuttuartarfik kilumiiteri sinnilaarlugu takissuseqarpoq, ullueqqanullu qiteqqutereernermi pisuttuarfigissallugu tulluarluni. Pisuttuartarfimmi sanioqqussassaapput meeqqat qallortarfii inersimasunullu timigissartarfiit silamiittut. Soormi skuut arpassutit nassarukkit ataatsimeersuarnerlu naappat arpapallalaarlutit?
Innuttaasunik ataatsimiisitsinernut ataatsimeersuartunulluunniit 50-it sinnerlugit amerlassusilinnut filmertarfik atorneqartarpoq. Init ataatsimiittarfiit eqimattakkaarluni suliaqarnermut atorneqarsinnaapput.
Taseralik ataatsimeersuartarfittut Horestamit sisamanik ullorialerneqarluni nalilerneqarpoq.
Ataatsimeersuartarfik 1: 45,2 m2
Ataatsimeersuartarfik 2: 69 m2
Ataatsimeersuartarfik 3 (ammarlugu): 120,6 m2
Inniminniiniaruit uunga allassinnaavutit: cafe@taseralik.gl
