16
Jan
-
15
Mar

Saqqummersitsineq Paarma Brandt

Uannga
 
66 inuit takusimavaat una pisussaq.

Eqqumiitsuliortoq Nuummeersoq Paarma Olsvig Brandt Århus Kunstakademimi aasaq 2019 ilisimatusarnini naammasivaa.

 

Paarmap ilinniartuunermini eqqumiitsuliornermi qalipaanermilu ilisimasat qaffasissut ilisimasaqarfigilerpai, ilinniagaatalu malitsigaa eqqumiitsuliornermi periutsit assigiinngitsut siammasissumik piginnaasaqarfigilermagit. Tamanna suliaani takuneqarsinnaavoq. Eqqumiitsuliortutut atortut assigiinngitsut atorlugit suliaqartarpoq uanilu saqqummersitsinermi qalipaatit imilertakkat atorlugit suliai nutaarluinnaat takuneqarsinnaapput. Eqqumiitsuliat qalipatat paasiuminartut kusarnarsarluakkat Inuit oqaluttuatoqaanit aallaavillit saqqummersinneqarput.

 

“Ullumikkut inuunitsinni ineriartortuarpugut nutaalianillu sunneqqarluaqqalluta, taamaakkaluartoq kulturitoqarput uagutsinni suli kimittoqaaq. Sulianni kiinarpaat atorneqartarnerat ersarissarniarpara. Kiinarpaqarnermi kinaassuseq toqqorterneqarsinnaavoq illuatungaaniilluunniit kinaassusitsinnik ersersitsiniaalluni atorneqarsinnaalluni. Uani saqqummersitsinermi kiinarpaat kulturitsinni naleqartitavut ersarissarpaat, taamatuttaaq nunarsuarmioqataanitsinni qanoq immitsinnut isiginerput qaqilerlugu.” Taamak oqarpoq eqqumiitsuliortoq Paarma Olsvig Brandt.

 

Saqqummersitsineq ammaanersiussaaq sisamanngorneq 16. januar 2020 nal. 16:30 Taseralimmi.

 

Saqqummersitsineq Taseralimmi alakkarneqarsinnaavoq 16. januar – 15. marts 2020

Aningaasaliisut:

            

For at tilmelde dig til denne begivenhed skal du besøge følgende URL:

 

Ulloq Piffissarlu

16. January 2020 | 11:30
15. March 2020 | 19:30
 

Sumiiffik

Nalunnguarfimmut 7, Taseralik, Sisimiut
 

Naapiffissaq

Taseralik
 

Pisussaq Immikkoortumi

Saqqummersitsinerit
 
 
 

Nalunngisarnut Siammartaruk