AUGUSTIMI INNIMINNIINERMI INIP ATTARTORNERANUT 25 % SIPAARUK

TASERALIMMI ATAATSIMIINNERMI ATORTUT AAMMA ISSIAVIIT NUTAAT

Ataatsimiinneq, pikkorissarneq, kaffemik, oqalugiarneq, katerisimaartoqarnissaa imaluunniit saqqummersitsineq pilersaarutigiviuk?

Taseralimmi aaqqissuussinernut assigiinngitsunut, anginerusunut minnerusunulluunniit, pitsaasunik naleqqussakkanillu periarfissaqarpugut. Maanna aamma ataatsimiinnernut atortussat nutaat aamma issiaviit nutaat pissarsiarisimavagut, taamaasilluta peqataasunut pitsaanerusumik ilorrisimaarnarnerusumik periarfissanillu amerlanerusunik neqerooruteqarsinnaalluta.

🪑 Issiaviit nutaat nalliussivagut!
Ukiuni amerlasuuni atorneqareerlutik issiaviit pisoqqat taarserneqarput. Issiaviit nutaat aaqqissuussinerni soorlu ataatsimeersuarnerni, pikkorissarnerni, oqalugiarnermi, kaffillernermi kulturikkut aaqqissuussinernilu peqataasunut pitsaanerusumik periarfissiissapput.

Ataatsimiittarfik sisamanik ullorialerneqarsimasoq⭐⭐ ⭐⭐

📅Augustip sinnerani inissamik attartornermi 25 %-mik akikillisaavugut aaqqissuussinissamut ataatsimiinnissanulluunniit inniminniinermi.

Ataatsimiinnernut inissaq attartoraanni uku ilanngunneqareerput:

🎤 Mikrofon ataaseq
🔊 Højttaler ataaseq
🖥️ Saqqummiussinermut skærmi
📹 Teams-ikkut ataatsimiinnermut periarfissaq, inimi kameraasut atorlugit

Aamma nipilersornermik aaqqissuussinernut livestreaming-imullu teknikkikkut atortunik attartorneq periarfissaavoq. Taseralik-mi aamma teknikerimik sulisoqarpoq, taamaattumik aaqqissuussinerup aallartinnginnerani nalaanilu teknikkikkut ikiuussinnaavugut.

 

☕ NERISASSAT

Aaqqissuussinerup pisariaqartitaanut naleqqussakkanik nerisassanik assigiinngitsunik neqerooruteqarsinnaavugut:
• Kaffi, tii & kaagi
• Ullup affaanut nerisaqarneq
• Ulloq tamaat nerisaqarneq
• Unnukkut nerisassanik ilanngussisoqarsinnaavoq, immikkut isumaqatigiissuteqarnikkut

Kunguak Café suleqatigaarput qanimut, illorsuup iluani inissisimasoq. Kunguak Café-mi nerisassat mamartut assigiinngitsut amerlasuut neqeroorutaapput, taamaasillunilu ataatsimiinneq, aaqqissuussineq nerisassallu ataatsimut sumiiffimmi aaqqissuunneqarsinnaapput.☕🍽️

🪑 INI PISARIAQARTITSINEQ MALILLUGU AAQQIISINNAAVUGUT

Nerriviit issiaviillu aaqqissuussinermut naleqqussarlugit inissinneqarsinnaapput, tamanna aaqqissuussinerup suussusianut pisariaqartitanullu isumaqatigiissutigineqassaaq.

Aaqqissuussinissaq ataatsimiinnerugaluarpat, pikkorissarnerugaluarpat, oqalugiarnerugaluarpat, kaffIllerneruppat, saqqummersitsineq imaluunniit nipilersornermik aaqqissuussinerugaluarpat, aaqqiissutissamik naleqquttumik nassaarniarnissinni ikiuukkusuppugut.